(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.251. అధ్యాయః 251
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
మహేశ్వరేణ మునిగణాన్ప్రతి శ్రీకృష్ణస్య వంశానుక్రమవర్ణనపూర్వకం గుణగణానువర్ణనం॥ 1 ॥
Mahabharata - Anushaasana Parva - Chapter Text

name="anuzAsana-13-251-1x">ఋషయ ఊచుః।

పినాకిన్భగనేత్రఘ్న సర్వలోకనమస్కృత।
మహాత్ంయం వాసుదేవస్య శ్రోతుమిచ్ఛామ శంకర॥ 13-251-1(91363)
ఈశ్వర ఉవాచ। 13-251-2x(7680)
పితామహాదపి వరః శాశ్వతః పురుషో హరిః।
కృష్ణో జాంబూనదాభాసో వ్యభ్రే సూర్య ఇవోదితః॥ 13-251-2(91364)
దశబాహుర్మహాతేజా దేవతారినిషూదనః।
శ్రీవత్సాంకో హృషీకేశః సర్వదైవతపూజితః॥ 13-251-3(91365)
బ్రహ్మా తస్యోదరభవస్తస్యాహం చ శిరోభవః।
శిరోరుహేభ్యో జ్యోతీంషి రోమభ్యశ్చ సురాఽసురాః॥ 13-251-4(91366)
ఋషయో దేహసంభూతాస్తస్య లోకాశ్చ శాశ్వతాః।
పితామహగృహం సాక్షాత్సర్వదేవగృహం చ సః॥ 13-251-5(91367)
సోస్యాః పృథివ్యాః కృత్స్నాయాః స్రష్టా త్రిభువనేశ్వరః।
సంహర్తా చైవ భూతానాం స్థావరస్య చరస్య చ॥ 13-251-6(91368)
స హి దేవవరః సాక్షాద్దేవనాథః పరంతపః।
సర్వజ్ఞః సర్వసంశ్లిష్టః సర్వగః సర్వతోముఖః॥ 13-251-7(91369)
పరమాత్మా హృషీకేశః సర్వవ్యాపీ మహేశ్వరః।
న తస్మాత్పరమం భూతం త్రిషు లోకేషు కించన॥ 13-251-8(91370)
సనాతనో వై మధుహా గోవింద ఇతి విశ్రుతః।
స సర్వాన్పార్తివాన్సంఖ్యే ఘాతయిష్యతి మానదః॥ 13-251-9(91371)
సురకార్యార్థముత్పన్నో మానుషం వపురాస్థితః।
న హి దేవగణాః శక్తాస్త్రివిక్రమవినాకృతాః॥ 13-251-10(91372)
భువనే దేవకార్యాణి కర్తుం నాయకవర్జితాః।
నాయకః సర్వభూతానాం సర్వదేవనమస్కృతః॥ 13-251-11(91373)
ఏతస్య దేవనాథస్య దేవకార్యపరస్య చ।
బ్రహ్మభూతస్య సతతం బ్రహ్మర్షిశరణస్య చ॥ 13-251-12(91374)
బ్రహ్మా వసతి గర్భస్థః శరీరే సుఖసంస్థితః।
శర్వః సుఖం సంశ్రితశ్చ్ శరీరే సుఖసంస్థితః॥ 13-251-13(91375)
సర్వాః సుఖం సంశ్రితాశ్చ శరీరే తస్య దేవతాః।
స దేవః పుండరీకాక్షః శ్రీగర్భః శ్రీసహోషితః॥ 13-251-14(91376)
శార్ంగచక్రాయుధః ఖడ్గీ సర్వనాగరిపుధ్వజ।
ఉత్తమేన స శీలేన దమేన చ శమేన చ॥ 13-251-15(91377)
పరాక్రమేణ వీర్యేణ వపుషా దర్శనేన చ।
ఆరోహేణి ప్రమాణేన ధైర్యేణార్జవసంపదా॥ 13-251-16(91378)
ఆనృశంస్యేన రూపేణ బలేన న సమన్వితః।
అస్త్రైః సముదితః సర్వైర్దివ్యైరద్భుతదర్శనైః॥ 13-251-17(91379)
యోగమాయః సహస్రాక్షో నిరపాయో మహామనాః।
వీరో మిత్రజనశ్లాఘీ జ్ఞాతిబంధుజనప్రియః॥ 13-251-18(91380)
క్షమావాంశ్చానహంవాదీ బ్రహ్మణ్యో బ్రహ్మనాయకః।
భయహర్తా భయార్తానాం మిత్రాణాం నందివర్ధనః॥ 13-251-19(91381)
శరణ్యః సర్వభూతానాం దీనానాం పాలనే రతః।
శ్రుతవానర్థసంపన్నః సర్వభూతనమస్కృతః॥ 13-251-20(91382)
సమాశ్రితానాం వరదః శత్రూణామపి ధర్మవిత్।
నీతిజ్ఞో నీతిసంపన్నో బ్రహ్మవాదీ జితేంద్రియః॥ 13-251-21(91383)
భవార్థమిహ దేవానాం బుద్ధ్యా పరమయా యుతః।
ప్రాజాపత్యే శుభే మార్గే మానవే ధర్మసంస్కృతే॥ 13-251-22(91384)
సముత్పత్స్యతి గోవిందో మనోర్వంశే మహాత్మనః।
అంగో నామ మనోః పుత్రో అంతర్ధామా తతః పరః॥ 13-251-23(91385)
అంతర్ధాంనో హవిర్ధామా ప్రజాపతిరనిందితః।
ప్రాచీనబర్హిర్భవితా హవిర్ధాంనః సుతో మహాన్॥ 13-251-24(91386)
తస్య ప్రచేతఃప్రముఖా భవిష్యంతి దశాత్మజాః।
ప్రాచేతసస్తథా దక్షో భవితేహ ప్రజాపతిః॥ 13-251-25(91387)
దాక్షాయణ్యాస్తథాఽఽదిత్యో మనురాదిత్యతస్తథా।
మనోశ్చ వంశజ ఇలా సుద్యుంనశ్చ భవిష్యతి॥ 13-251-26(91388)
బుధాత్పురూరవాశ్చాపి తస్మాదాయుర్భవిష్యతి।
నహుషో భవితా తస్మాద్యయాతిస్తస్య చాత్మజః॥ 13-251-27(91389)
యదుస్తస్మాన్మహాసత్వః క్రోష్టా తస్మాద్భవిష్యతి।
క్రోష్టుశ్చైవ మహాన్పుత్రో వృజినీవాన్భవిష్యతి॥ 13-251-28(91390)
వృజినీవతశ్చ భవితా ఉషంగురపరాజితః।
ఉషంగోర్భవితా పుత్రః శూరశ్చిత్రరథస్తథా।
తస్య త్వవరజః పుత్రః శూరో నామ భవిష్యతి॥ 13-251-29(91391)
తేషాం విఖ్యాతవీర్యాణాం చరిత్రగుణశాలినాం।
యజ్వనాం సువిశుద్ధానాం వంశే బ్రాహ్మణసంమతే॥ 13-251-30(91392)
స శూరః క్షత్రియశ్రేష్ఠో మహావీర్యో మహాయశాః।
స్వవంశవిస్తరకరం జనయిష్యతి మానదః।
వసుదేవ ఇతి ఖ్యాతం పుత్రమానకదుందుభిం॥ 13-251-31(91393)
తస్య పుత్రశ్చతుర్బాహుర్వాసుదేవో భవిష్యతి॥
దాతా బ్రాహ్మణసత్కర్తా బ్రహ్మభూతో ద్విజప్రియః। 13-251-32(91394)
రాజ్ఞో మాగధసంరుద్ధాన్మోక్షయిష్యతి యాదవః॥ 13-251-33(91395)
జరాసంధం తు రాజానం నిర్జిత్య గిరిగహ్వరే।
సర్వపార్థివరత్నాఢ్యో భవిష్యతి స వీర్యవాన్॥ 13-251-34(91396)
పృథివ్యామప్రతిహతో వీర్యేణ చ భవిష్యతి।
విక్రమేణ చ సంపన్నః సర్వపార్థివపార్థివః॥ 13-251-35(91397)
శూరసేనేషు భూత్వా స ద్వారకాయాం వసన్ప్రభుః।
పాలయిష్యతి గాం దేవీం విజిత్య నయవిత్సదా॥ 13-251-36(91398)
తం భవంతః సమాసాద్య వాఙ్భాల్యైరర్హణైర్వరైః।
అర్చయంతు యథాన్యాయం బ్రహ్మాణమివ శాశ్వతం॥ 13-251-37(91399)
యో హి మాం ద్రష్టుమిచ్ఛేత బ్రహ్మాణం చ పితామహం।
ద్రష్టవ్యస్తేన భగవాన్వాసుదేవః ప్రతాపవాన్॥ 13-251-38(91400)
దృష్టే తస్మిన్నహం దృష్టో న మేఽత్రాస్తి విచారణా।
పితామహో వా దేవేశ ఇతి విత్త తపోధనాః॥ 13-251-39(91401)
స యస్య పుండరీకాక్షః ప్రీతియుక్తో భవిష్యతి।
తస్య దేవగణః ప్రీతో బ్రహ్మపూర్వో భవిష్యతి॥ 13-251-40(91402)
యశ్చ తం మానవే లోకే సంశ్రయిష్యతి కేశవం।
తస్య కీర్తిర్జయశ్చైవ స్వర్గశ్చైవ భవిష్యతి॥ 13-251-41(91403)
ధర్మాణాం దేశికః సాక్షాత్స భవిష్యతి ధఱ్మిభాక్।
ధర్మవద్భిః స దేవేశో నమస్కార్యః సదోద్యతైః॥ 13-251-42(91404)
ధర్మ ఏవ పరో హి స్యాత్తస్మిన్నభ్యర్చితే విభౌ।
సహి దేవో మహాతేజాః ప్రజాహితచికీర్షయా॥ 13-251-43(91405)
ధర్మార్థం పురుషవ్యాఘ్ర ఋషికోటీః ససర్జ హ।
తాః సృష్టాస్తేన విభునా పర్వతే గంధమాదనే॥ 13-251-44(91406)
సనత్కుమారప్రముఖాస్తిష్ఠంతి తపసాఽన్వితాః।
తస్మాత్స వాగ్మీ ధర్మజ్ఞో నమస్యో ద్విజపుంగవాః॥ 13-251-45(91407)
దివి శ్రేష్ఠో హి భగవాన్హరిర్నారాయణః ప్రభుః।
వందితో హి స వందేత మానితో మానయీత చ।
అర్హితశ్చార్హయేన్నిత్యం పూజితః ప్రతిపూజయేత్॥ 13-251-46(91408)
దృష్టః పశ్యేదహరహః సంశ్రితః ప్రతిసంశ్రయేత్।
అర్చితశ్చార్చయేన్నిత్యం స దేవో ద్విజసత్తమాః॥ 13-251-47(91409)
ఏతత్తస్యానవద్యస్య విష్ణోర్వై పరమం వ్రతం।
ఆదిదేవస్య మహతః సజ్జనాచరితం సదా॥ 13-251-48(91410)
భువనేఽభ్యర్చితో నిత్యం దేవైరపి సనాతనః।
అభయేనానురూపేణి యుజ్యంతే తమనువ్రతాః॥ 13-251-49(91411)
కర్మణా మనసా వాచా స నమస్యో ద్విజైః సదా।
యత్నవద్భిరుపస్థాయ ద్రష్టవ్యో దేవకీసుతః॥ 13-251-50(91412)
ఏష వోఽభిహితో మార్గో మయా వై మునిసత్తమాః।
తం దృష్ట్వా సర్వశో దేవం దృష్టాః స్యుః సురసత్తమాః॥ 13-251-51(91413)
మహావరాహం తం దేవం సర్వలోకపితామహం।
అహం చైవ నమస్యామి నిత్యమేవ జగత్పతిం॥ 13-251-52(91414)
తత్ర చ త్రితయం దృష్టం భవిష్యతి న సంశయః।
సమస్తా హి వయం దేవాస్తస్య దేహే వసామహే॥ 13-251-53(91415)
తస్య చైవాగ్రజో భ్రాతా సితాద్రినిచయప్రభః।
హలీ బల ఇతి ఖ్యాతో భవిష్యతి ధరాధరః॥ 13-251-54(91416)
త్రిశిరాస్తస్య దివ్యశ్చ సాతకుంభమయో ద్రుమః।
ధ్వజస్తృణేంద్రో దేవస్య భవిష్యతి రథాశ్రితః॥ 13-251-55(91417)
శిరో నాగైర్మహాభోగైః పరికీర్ణం మహాత్మభిః।
భవిష్యతి మహాబాహోః సర్వలోకేశ్వరస్య చ॥ 13-251-56(91418)
చింతితాని సమేష్యంతి శస్త్రాణ్యస్త్రాణి చైవ హ।
అనంతశ్చ స అవోక్తో భగవాన్హరిరవ్యయః॥ 13-251-57(91419)
సమాదిష్టశ్చ విబుధైర్దర్శయ త్వమితి ప్రభో।
సుపర్ణో యస్య వీర్యేణ కశ్యపస్యాత్మజో బలీ।
అంతం నైవాశకద్ద్రష్టుం దేవస్య పరమాత్మనః॥ 13-251-58(91420)
స చ శేషో విచరతే పరయా వై ముదా యుతః।
అంతర్వసతి భోగేన పరిరభ్య వసుంధరాం॥ 13-251-59(91421)
య ఏవ విష్ణుః సోఽనంతో భగవాన్వసుధాధరః।
యో రామః స హృషీకేశో యోచ్యుతః స ధరాధరః॥ 13-251-60(91422)
తావుభౌ పురుషవ్యాఘ్రౌ దివ్యౌ దివ్యపరాక్రమౌ।
ద్రష్టవ్యౌ మాననీయౌ చ చక్రలాంగలధారిణౌ॥ 13-251-61(91423)
ఏష వోఽనుగ్రహః ప్రోక్తో మయా పుణ్యస్తపోధనాః।
యద్భవంతో యదుశ్రేష్ఠం పూజయేయుః ప్రయత్నతః॥ ॥ 13-251-62(91424)

ఇతి శ్రీమన్మహాభారతే అనుశాసనపర్వణి దానధర్మపర్వణి ఏకపంచాశదధికద్విశతతమోఽధ్యాయః॥ 251 ॥

Mahabharata - Anushaasana Parva - Chapter Footnotes

7-251-43 అర్హితః పుష్పధూపాదినార్చితః। పూజితః వాచా చ మహీకృతః 7-251-47 అర్చితః మనసా ధ్యాతః॥ 7-251-55 తృణేంద్రః తాలద్రుమః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.